Ish-presidenti amerikan, Bill Clinton, vazhdon të mbetet figura më e dashur për popullin e Kosovës, por një ndjesi të njëjtë vazhdon ta ketë edhe vet Clinton për kosovarët.
Ai ka dërguar së fundi një letër në një shkollë të Prishtinës, për të falënderuar më të vegjlit e kësaj shkolle, të cilët para disa mujave i kishin dërguar letra Clintonit.
Vetë shkolla ka njoftuar për pranimin e letrës së ish presidentit amerikan.
“Sot, na erdhi përgjigjia e tij në form të letrës nga Shtetet e Bashkuara për nxënësit dhe mësusen Dr. Waters. Në këto letër Presidenti Bill Clinton përmendi edhe 10 vjetorin e pavarësisë së Kosovës dhe dëshirën për të vizituar shkollën tonë në vizitën e tij të radhës në Kosovë”, thuhet në njoftimin e shkollës.
Dhe në letrën që e ka publikuar kjo shkollë, Clinton shihet të ketë shkruar se Kosova do të ketë gjithmonë një vend special në zemrën e tij.
