Haradinaj për shkollën e Erdoganit në Prizren: Ka nivel të lartë të edukimit

Shkolla turke në Prizren, që është hapur me kërkesë të Presidentit të Turqisë Recep Tayyip Erdogan, me synimin për t’i lënë në hije ose për t’i mbyllur krejtësisht shkollat e Fetullah Gulen, është vizituar sot nga Kryeministri Ramush Haradinaj.

Atje, Haradinaj ka folur fjalë të mëdha për këtë shkollë duke ia lëvduar edhe planprogramin. Po ashtu shefi i Qeverisë së Kosovës ka pranuar edhe dhurata duke theksuar se shkollave të tilla në Kosovë u gëzohen të gjithë.

Sipas njoftimit të Qeverisë, Kryeministri Haradinaj, ka falënderuar nikoqirët për pritjen në këtë shkollë “e cila krijon mundësi për fëmijët në Kosovë që ata të mësojnë me standarde të larta dhe me një program të mirë të edukimit”.

“Kosova ka bashkëpunim të mirë me Republikën e Turqisë dhe këtë bashkëpunim e dëshmon edhe kjo shkollë”.

Para drejtorit Ali Sedat Asllan dhe stafi i shkollës Kryeministri Haradinaj, ka theksuar se shkolla “Maarif” ka një program dhe nivel të lartë të edukimit.   Haradinaj atje është shoqëruar nga ministri i Administratës Publike, Mahir Yagxhilar dhe ambasadorja e Turqisë në Kosovë, Kivilcim Kiliç.

Ndërkohë, në njoftimin e Qeverisë së Kosovës për këtë shkollë është bërë edhe një vlerësim gratis për cilësinë e kësaj shkolle, pavarësisht se kjo shkollë, qëllim të parë, e ka mposhtjen e rivalit të Erdogan, Fetullah Gulen, i cili ka hapur shkolla në Kosovë që nga paslufta. Aty janë shkolluar edhe fëmijët e politikanëve kosovarë, përfshirë djalin e Presidentit Hashim Thaçi.

“”International Maarif Schools of Kosova”, synon t’i edukojë dhe t’i arsimojë të rinjtë kosovarë, brezat e ardhshëm të Kosovës me standarde sa më të mira, në mënyrë që ata të jenë të dobishëm për rrethin ku jetojnë” theksohet në njoftim.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme