Meshkujt inteligjentë kanë më pak gjasa të zhvillojnë sëmundjen e depresionit, tregojnë studimet e fundit.
Nëse keni një nivel të lartë të inteligjencës kjo do të thotë se zvogëlohet mundësia e prekjes nga sëmundje mentale, përfshirë edhe të atyre me nivel të lartë të inflamacionit, thuhet në studim.
Studimet e mëhershme kanë ndërlidhur inflamacionin me rrezikun më të lartë nga sëmundjet mentale.
Autori i studimit, Eirini Flouri, nga Kolegji universitar në Londër, thotë se niveli i lartë i inteligjencës mbron njerëzit nga çrregullimet mentale.
Kjo mund të ndodhë për shkak se njerëzit inteligjentë çojnë jetë më të shëndetshme sikurse është ushqimi i rregullt dhe ushtrimet, sipas studiuesve.
Është interesante se studimi ka gjetur se niveli i lartë i inteligjencës nuk i mbron femrat nga depresioni, gjë e cila mund të jetë për shkak të dallimit të sistemit imunitar ose atij hormonal.
Studiuesit kanë analizuar më shumë se 9,600 persona të moshës ndërmjet 18 deri 97-vjeç, të cilët jetojnë në Britaninë e Madhe.
