Labinot Tahiri paralajmëron largimin nga AKR-ja

Deputeti i Kuvendit të Kosovës nga radhët e AKR-së, Labinot Tahiri ka paralajmëruar se shumë shpejt do ta bëj udhëtim politik i vetëm.

“Në një kohë shumë të shpejtë, do të bej udhëtimin tim politik i vetëm, edhe sot jam i vetëm! Kush do që e ka besimin në tokën e tyre dhe në familjet e tyre, le ta dijnë mirë që unë jam dhe do mbetëm një shërbëtor i kësaj toke dhe i tyre. Interesat partiake, janë më të vogla se sa interesat e KOSOVËS.

Populli po pret dritën e gjelbert që të ndjehet i lirë drejtë shteteve pa viza, e shumë gjëra të dobishme për vendin, siç është Ushtria ndërsa aty bëhet debat fushate. E dhimshme!! Duroni se nje ditë do të ndriçoj ky vend, se ka njerëz që s`ju intereson vetja në krahasim me atë se çfar duan të dhurojnë për vendin” shkruan ai në Facebook.

Tahiri garën e deputetit e kishte bërë nën ombrellën e AKR-së së Behxhet Pacollit.

Lini Një Koment