Masakra në Florida, kërkohet dënim me vdekje për Nikolas Kruz

Prokurorët e SHBA kanë kërkuar dënim me vdekje për adoleshentin e akuzuar për vrasjen e 17 bashkëmoshatarve në një shkollë të lartë në Florida muajin e kaluar.

Nikolas Cruz, 19 vjeç, ka pranuar kryerjen e sulmit dhe mbi të rëndojnë 17 akuza për vrasje me paramendim.

Sulmi në shkollën e mesme Marjory Stoneman Douglas në Parkland, Florida, është sulmi më vdekjeprurës në SHBA që nga viti 2012. Ai ka ndezur sërish debate të gjata rreth kufizimeve më të ashpra të armëve të zjarrit.

Cruz i ka thënë policisë se ai mbërriti në kampus dhe filloi të qëllonte mbi studentët para braktisjes së armë dhe ikjes, sipas dokumenteve të gjykatës.

FBI ka pranuar se ka marrë një deklaratë ku shprehej shqetësimi rreth tij vitin e kaluar. Në një njoftim të paraqitur të martën, prokurorët thanë se do të kërkonin dënimin me vdekje dhe do të provonin se krimi “ishte veçanërisht i tmerrshëm dhe i egër”.

“Krimi ishte një vrasje dhe është kryer në një mënyrë të ftohtë, të llogaritur dhe të paramenduar pa asnjë pretendim për justifikim moral apo ligjor”, thuhet në njoftim.

Avokatët që përfaqësojnë Cruz kanë thënë se ai do të pranojë fajin nëse dënimi me vdekje nuk konsiderohet. “Ne ende jemi gati që menjëherë të pranojmë fajin për 34 dënime të njëpasnjëshme të jetës pa mundësinë e lirimit me kusht”, tha Hoëard Finkelstein, një mbrojtës publik i qarkut.

“Nuk po themi se ai nuk është fajtor, por ne nuk mund të pranojmë fajësinë, ndërsa vdekja është ende në tryezë”, shtoi ai.

Nikolas Cruz është një ish-student në Shkollën e Lartë Marjory Stoneman Douglas. Ai thuhet se u hetua nga policia lokale dhe Departamenti i Fëmijëve dhe Shërbimeve Familjare në vitin 2016, pasi kishte dërguar dëshmi për vetëlëndim në aplikacionin Snapchat, përcjell GSh.

Shërbimet e fëmijës thanë se kishte planifikuar të blinte një armë, por autoritetet vendosën se ai tashmë po merrte mbështetje adekuate, thonë raportet.

 

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme