Rexhep Selimi flet pas marrjes në pyetje nga Prokuroria për rastin Limaj

E mërkurë, 02 Nentor 2016  –  Sakte.net

Njëri nga themeluesit e Ushtrisë Çlirimtare të Kosovës, Rexhep Selimi, është thirrur si dëshmitar nga Prokuroria Speciale e Kosovës, në rastin e fundit të Fatmir Limajt. Lajmin për ‘Indeksonline’, e ka konfirmuar vet Selimi.

Ai dëshminë e tij për këtë rast e ka dhënë vetëm disa ditë para ngritjes se Aktakuzës nga ana e Prokurorisë Speciale.

“Sikur edhe në rastin Limaj në Hagë, poashtu edhe në rastin që po e heton Prokuroria Speciale ndaj Z Limaj, jam thirrur si dëshmitar”, ka thënë Selimi.

Ai ka thënë se nuk mund të ndaj hollësi nga dëshmia e tij për shkak të procesit, por thotë se dëshminë e ka dhënë duke besuar thellë në pafajësinë e Limajt i njohur në luftë si komandant ‘Çeliku’.

“Unë pres që edhe në këtë rast të dëshmohet pafajësia e tij”, ka shtuar Selimi.

Lideri i Nismës për Kosovën, Fatmir Limaj, po akuzohet nga Prokuroria Speciale e Kosovës për mos parandalimin dhe mos hetimin e vrasjes se dy personave gjatë luftës se fundit në Kosovë. Ndërsa, mbrojtja e Fatmir Limajt ka thënë se përgjegjësinë për këto vrasje e kishte marrë Shtabi i Përgjithshëm i Ushtrisë Çlirimtare të Kosovës.

E në anën tjetër, eksponent të lartë të Nismës për Kosovën, ngritjen e aktakuzës e kanë vlerësuar si përndjekje ndaj personalitetit të Limajt. Haxhi Shala, i njohur në luftë si komandant ‘Topi’ ka thënë ditë më parë për ‘Indeksonline’, se një ditë ata do të flasin me emra se nga kush po përndiqet Fatmir Limaj.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme