Thaçi e Kotzias flasin për avancimin e bashkëpunimit të ndërsjellë

Për kreun e shtetit, Hashim Thaçi, Kosova dhe Greqia do të vazhdojnë t’i forcojnë marrëdhëniet bilaterale, duke bashkëpunuar dhe mirëkuptuar njëra-tjetrën, ani pse Greqia ende nuk e ka njohur pavarësinë e Kosovës.

Thaçi ka takuar sot në Prishtinë, kryediplomatin grek, Nikolaos Kotzias, me të cilin thotë të ketë diskutuar për avancimin e bashkëpunimit të ndërsjellë dhe për përforcimin e perspektivës evropiane për tërë rajonin.

“Greqisë i jemi shumë mirënjohës për rolin mbështetës në rrugën evropiane të Kosovës dhe e çmojmë që këtë vit ka pasur një ngritje të vëmendjes së Bashkimit Evropian për rajonin tonë”, ka thënë Thaçi.

Lini Një Koment