Ishte shpëtim opsioni “Delete for Everyone”, i cili mundësonte fshirjen e mesazheve brenda 7 minutash.
Por aplikacioni në përditësimin e tij të fundit, ka vendosur të na japë më shumë kohë; jo më 7 minuta, por 1 orë. Duke shpresuar se personi tjetër s’e ka lexuar mesazhin në kohë, ose s’e ka parë nga njoftimet (Notifications) brenda 60 minutash do të kemi mundësinë për të fshirë mesazhet e dërguara.
Fillimisht, ndryshimi do të jetë i disponueshëm për versionet Android Beta 2.18.67, ndërsa më pas pritet që ta përfitojnë edhe sistemet e tjera operative.
Por WhatsApp ka ende punë për të bërë, pasi disa aplikacione të ndryshme arrijnë të rikthejnë mesazhet e fshira nga dikush. Nëse na ndodh të fshijmë diçka që mund ta kemi dërguar padashje ose jemi penduar, le të shpresojmë që përdoruesit tjetërtë mos i kenë rënë në vesh këto aplikacionet që na nxjerrin zbuluar.
