Janë arrestuar 24 persona ditën e djeshme për falsifikim vizash dhe pasaportash me qëllim kalimin nga Shqipëria drejt SHBA-së, Kanadasë apo Anglisë.
Nga të arrestuarit, 2 prej tyre janë në detyrim paraqitje kurse 7 në arrest shtëpie. 15 të tjerët janë në arrest me burg dhe akuzohen për “Falsifikimi i letërnjoftimeve, i pasaportave ose i vizave“, “Ndihma për kalim të paligjshëm të kufijve“, “Grup i strukturuar kriminal“ dhe “Kryerja e veprave penale nga organizata kriminale dhe grup i strukturuar kriminal“.
