A bën mirë për shëndetin uji me kripë? Ja çka thonë ekspertët

Një nga trendet e kohëve të fundit është konsumi i ujit me kripë natyrale. Ndërsa disa pretendojnë se uji me kripë mund të ndihmojë trupin të nxjerrë jashtë toksinat dhe rrit nivelet e energji, të tjerë janë më skeptikë lidhur me përfitimet e supozuara të tij, shkruan shendeti.com.al.

Themeluesja e “Practical Nontoxic Living”, Sophia Gushée, vendosi ta testonte ujin me kripë për një javë. Në fund të javës ajo raportoi se konsumimi i kësaj përzierje e ndihmoi në pastrimin e lëkurës, përmirësimin e cilësisë së gjumit dhe në një mënyrë jetese më të shëndetshme. Por dietologia Rhiannon Lambert nuk është e bindur nga ky trend, aq më pak se ndihmon në detoksikimin e trupit.

“Shpesh konfuzohemi nga këto “trende” të reja që shohim në internet, dhe ky duket se është i fundit për të cilin duhet të jemi të kujdesshëm”, tregon ajo për The Independent.

“Studimet kanë treguar se konsumimi i kripës me moderim mund të jetë i dobishëm në menaxhimin e tensionit të gjakut. Por, teprimi me kripën mund të çojë në zhvillim të tensionit të lartë të gjakut”.

Edhe pse ajo e pranon që është e nevojshme që të konsumojmë doza të vogla të kripës si pjesë e një diete të shëndetshme, ajo thekson gjithashtu se nuk ka të dhëna që vërtetojnë se kripa mund të ndihmojë në funksione të tilla si tretja.

“Është e rëndësishme të dini se çdo përfitim vjen nga përbërësi kryesor – uji”, thekson ajo.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme