Allegri: Me Ronaldon synojmë më shumë suksese

Ardhja e portugezit në ekipin e Juventusit, ka rritur apetitet e skuadrës për të fituar më shumë trofe.

Juventusi ka shtatë vite që dominon në Serie A, por objektivi kryesor i ekipit mbetet Liga e Kampionëve, trofe të cilin nuk po ia dalin ta fitojnë assesi.

Këtë vit te “Zonja e Vjetër” është transferuar Crisitano Ronaldo, i cili i vetëm e ka fituar pesë herë trofeun e Championsit, prandaj edhe në Torino besojnë se me CR7 në skuadër mund t’ia dalin këtë vit.

“Që nga ardhja e Ronaldos, kemi ngritje të vetëbesimit në skuadër, sepse ai është lojtari më i mirë në botë”, ka thënë trajneri i Juventusit, Massimilliano Allegri.

“Me portugezin në ekip kemi objektiva të mëdha dhe duam të luftojmë në të gjitha frontet”, ka theksuar ai.

Juventusi sonte luan ndaj Valencias në Ligën e Kampionëve.

Lini Një Koment