Arrestohet laboranti i spitalit të Gjakovës, i dërgonte pacientët për analiza në laboratorin e tij privat
Prokuroria Themelore në Gjakovë në bashkëpunim me Njësinë për Krime Ekonomike dhe Korrupsion ka njoftuar se është arrestuar i pandehuri A.Sh, pasi që i njëjti dyshohet se ka kryer veprën penale ‘keqpërdorimi i pozitës zyrtare apo autoritetit zyrtar” .
Sipas prokurorisë i pandehuri A.Sh, në cilësinë e personit zyrtar, laborant në Laboratorin e Spitalit Rajonal “Isa Grezda” në Gjakovë, e ka keqpërdorur detyrën zyrtare, ashtu që gjatë orarit të rregullt të punës në spital nuk u ka shërbyer pacientçve të cilët kanë kërkuar shërbim në Laborator, sipas udhëzimeve të mjekëve por, të njëjtit i ka dërguar për analiza në laboratorin e tij privat që gjendet në Gjakovë.
