Komisari për zgjerim dhe politikë fqinjësore evropiane, Johanes Han arriti sot në Shkup me rastin e fillimit të procesit të skriningut në vend për fillimin e negociatave për anëtarësim në Bashkimin Evropian.
Sipas agjendës, Han në mëngjes do të takohe me kryeministrin Zoran Zaev dhe më pas edhe me kryetarin e Parlamentit Talat Xhaferi dhe me liderin e partisë opozitare VMRO-DPMNE, Hristijan Mickoski. Eurokomisari Han, siç lajmëron MIA, do të ketë fjalim para anëtarëve të Këshillit kombëtare për eurointegrim në Kuvend.
Javën e kaluar, Han në konferencë për shtyp në Bruksel i paralajmëroi vizitat në Maqedoni dhe në Shqipëri dhe fillimin e procesit të skriningut në këto dy vende. Eurokomisari pas përfundimit të takimeve në Shkup, nesër pasdite do të udhëtojë për në Tiranë.
