Ish-kryeministri shqiptar, Sali Berisha, nuk po dorëzohet së akuzuari presidentin Hashim Thaçi për idenë e tij për lëvizjen e kufijve të Kosovës me Serbinë. Berishës i ka shërbyer deklarata e kancelares gjermane, Angela Merkel, e cila dje tha se nuk mund të ndryshohen kufijtë në Ballkan.
Lideri i demokratëve në Shqipëri, me anë të një shkrimi në Facebook, ka përshëndetur deklaratën e kancelares Merkel, ndërsa këtë e ka quajtur përgjigje meritore ndaj përpjekje të Beogradit dhe argatëve të tij në Prishtinë.
