Delawie: Demarkacioni duhet të kryhet

Ambasadori amerikan në Kosovë, Greg Delawie ka thënë se Marrëveshja për Demarkacion me Malin e Zi duhet të ratifikohet më 1 shtator.

“Mendoj se është në interesin e Kosovës që kjo marrëveshje të miratohet deri në shtator, pozita e SHBA-së në këtë çështje është shumë e qartë”, ka thënë Delawie në rtv21.

Ai ka thënë se me këtë kufi, të cilin e ka caktuar Komisioni Shtetëror për Demarkacion është shpallur Pavarësia e Kosovës dhe është në flamur.

“Komisioni e ka caktuar kufirin e njëjtë me Pakon e Ahtisaarit, edhe me të cilin Kosova ka shpallur Pavarësinë e Kosovës”, ka shtuar Delawie.