Dorëhiqet drejtori i Trepçës Ahmet Tmava: Ndërhyrjet politike nuk po më lënë të punoj

Menaxheri i përgjithshëm i Kombinatit ‘Trepça’, Ahmet Tmava, ka dhënë sot dorëheqje të parevokueshme nga pozita e drejtorit të kësaj ndërmarrje.

Ai veç shqetësimeve tjera, edhe ndërhyrjet e ministrit Valdrin Lluka, duke e privuar nga e drejta e ushtrimit të detyrave dhe përgjegjësive në këtë periudhë të tranzicionit.

“Duke marrë për bazë mosfunksionimin e Ligjit dhe vakumit ligjor për mosfunksionimin e organeve për mos zbatimin e këtij Ligji, si dhe ndërhyrjet e ministrit të Ministrisë së Zhvillimit Ekonomik dhe stafit të tij në mënyrë të padrejtë, duke më privuar nga e drejta e ushtrimit të detyrave dhe përgjegjësive në këtë periudhë të tranzicionit, sot më datë 12. 03. 2018, jap dorëheqje të parevokueshme nga pozita e menaxherit të Ndërmarrjes Trepça, duke besuar se stafi i tanishëm menaxhues do t’i përballojë sfidat e kohës”, ka thënë Tmava.

Tmava ka bërë të ditur se Trepça aktualisht është në pozitë të qëndrueshme financiare, ndërsa ka falënderuar të gjithë të punësuarit në këtë Ndërmarrje për bashkëpunimin e shkëlqyeshëm deri tani.

Ndryshe, drejtori Tmava kishte ardhur në pozitën e menaxherit të kësaj Ndërmarrje që nga data 6 shkurt të vitit 2014.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme