“Festari” po feston 15-vjetorin me art, muzikë, trashëgimi e sport

Sakte.net / e Enjte 29 Shtator 2016 / 10:22

Artistë të mëdhenj shqiptarë e botëror i janë bashkuar festës së rinisë në Suharekës, “Festarit”.

Për 15 vjet me radhë Suhareka ka qenë qendër e dhjetëra artistëve që kanë marrë pjesë në Koloninë e Artistëve, nga e cila kanë dalë shumë vepra. Këtë vit ka një ndryshim, ngaqë Joan Zhagu po drejton punëtorinë për animacion, në të cilën punëtori po marrin pjesë të rinjtë suharekas.

Duke mos lënë anash as ligjëratat e trashëgimisë kulturore për një grup entuziastësh për arkeologji. Në anën tjetër teatrit i janë mbushur karriget nga shikuesit që kanë pasur rastin deri sot të shohin dy shfaqje, ndërsa sot në mbrëmje është edhe shfaqja e tretë.

Mbrëmë, 28 shtator, zëri i të madhit Aleksandër Gjoka, bashkë me Eneida Tarifen ka bërë që të rinjtë të mbajnë ritmin me vallëzim.