Gjuriq: Kemi duruar fyerje e presione, por jemi të përkushtuar për kompromis

Drejtori i Zyrës për Kosovën në Qeverinë e Serbisë, Marko Gjuriq, ka bërë me dije në mëngjesin e së martës, se pas 20 orë bisedimesh me Prishtinën, nuk kanë rënë dakord për zbatimin e marrëveshjes për telekomunikacion.

“Pala jonë nuk ka lejuar që të rrezikohet prona e Serbisë, parimet tona janë të rëndësishme dhe nuk duam të biem dakord për diçka që mund të paraqesë precedent për ë ardhmen”.

Ai ka thënë se pala serbe ka insistuar deri në fund në mbrojtjen e interesave të Serbisë, dhe se pret që diskutimet për këtë temë të vazhdojnë.

Gjuriq po ashtu ka shtuar, se pala serbe ka duruar fyerje dhe presione por prapë se prapë mbetet e angazhuar dhe e përkushtuar për të gjetur një kompromis.

“Falënderoj përfaqësuesit e BE-së që kanë kontribuar në një numër të çështjeve që kanë mbetura për t’u zgjidhur”, ka thënë Gjuriq, raporton Klan Kosova.