Gjykata e Penale e Tiranës ka caktuar masat e sigurisë për 19 të ndaluarit e protestës së 16 shkurtit. Trupa vendosi masën “arrest me burg” për 6 prej protestuesve të arrestuar. Sakaq për 7 të arrestuar u vendos masa “arrest shtëpie” dhe për 6 të tjerë masa e sigurisë “detyrim paraqitje”. Seanca e sotme është ndjekur nga një numër i madh deputetësh të opozitës, ndërsa masat e sigurisë janë dhënë nga gjykatësja Rexhina Merlika e cila dha vendimin për secilin prej tyre, të vënë në akuza për katër vepra penale, kundërshtim të policisë, dëmtim prone me dashje, protestë pa leje dhe prishje të qetësisë publike.
Në seancë protestuesit i mbrojti avokat Ivi Kaso, njëherësh përfaqësuesi ligjor i Partisë Demokratike, i cili tha se e gjitha ishte një proces politik. “Florenc Hoxhën e arrestuan se mbështeti Bashën dhe s’ka asnjë provë qe ai ka prishur veprën e artit të shëmtuar dhe pa leje që Prokuroria e quan vepër artistike kërpudhën. Protestuesit s’kanë ushtruar dhunë por veprime simbolike kundër të keqes qe ju ka shkaktuar qeveria. Qeveria të arrestojë kriminelet që janë rrugëve me kobure e jo siç bën Drejtori i Policisë që shoqëron të kërkuarit u jep edhe kafe kur ata vendosin të vetëdorzohen”, tha Kaso.
Masat e caktuara nga Gjykata
Arrest me burg
Florenc Hoxha
Resul Daçi
Ilir Hamedini
Sajmir Rexhepi
Agim Peposhi
Ferit Dankshi
Arrest shtëpie
Emanuel Nallbani, arrest shtëpie
Naim Haxhiu, arrest shtëpie
Andon Gjini, arrest shtëpie
David Linati, arrest shtëpie
Festim Taku, arrest shtëpie
Veljon Dine, arrest shtëpie
Ndue Tuci arrest shtëpie
Detyrim paraqitje
Hasan Jakupi
Mitat Fieraku
Lefter Jakupi
Pellumb Shelna
Shpresa Lini
Suzana Dimushi
