Haradinaj tregon se kur do të finalizohet marrëveshja historike Kosovë- Serbi

Viti 2019 është duke u parë si vit përfundimtar për finalizimin e dialogut në mes të Kosovës dhe Serbisë, i nisur vite më parë. Arritjen e një marrëveshje mes dy vendeve janë duke e shtyrë përpara edhe presioni ndërkombëtarë dhe vizitat e shumta të ndërkombëtareve në vend por edhe në Serbi.

Aktualisht dialogu është ngrirë për shkak të vendosjes së taksës për mallrat serbe nga Qeveria e Kosovës, por, pala kosovare kërkon si përfundim nga ky dialog të ketë njohje të Kosovës si shtete dhe marrëveshje reciproke.

Deputeti nga radhët e Aleancës për Ardhmërinë e Kosovës, Daut Haradinaj ka thënë se në Kosovë ka prezencë të shtuar të ndërkombëtarëve tash e 20 vite. Ai për arbresh ka thënë se kanë kërkuar që të jetë e përfshirë edhe Amerika në dialog me Serbinë që të finalizohet sa më parë dialogu.

“Ka pas një prezencë ndërkombëtare shumë të shtuar tash e 20 vite. Ideja për përmbylljen finale të marrëveshjes Kosovë- Serbi është në njohjen reciproke. Kjo është edhe pse kemi insistuar që palë e bisedave te jetë edhe miku unë më i madhi Shtetet e Bashkuara të Amerikës kur e dimë që janë bërë shumë vite që marrëveshjen nuk po implementohen nga Serbia. Kjo është edhe pse në këtë vit po pritet me u finalizuar”, tha ai.

“Ne si palë kosovare do ta kishim përmbyllë dje, jo sot. Por, nuk do të ketë lëvizje të pozicioneve në raport me kushtetutshmërinë dhe pavarësinë e 17 shkurtit”.

“Ne kemi kërkesë decidive Serbia duhet ta pranoj Republikën e Kosovës dhe të kemi garancion të marrëveshjeve reciproke”, ka thënë Haradinaj.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme