Kjo histori kaq prekëse tregon se situatat më të vështira në jetë vetëm sa na bëjnë më të fortë.
Një 6-vjeçare në Kinë është bërë e njohur në median sociale për kujdesin që tregon ndaj babait të saj të paralizuar.
Një aksident rrugor ndryshoi komplet jetën e tyre.
Babai i vogëlushes Jia Jia mbeti i paralizuar pas aksidentit, kurse mamaja i braktisi.
Vogëlushja nisi të kujdeset për babanë që nuk lëviz nga krevati.
Sipas medias kineze, Jia Jia zgjohet çdo ditë në orën gjashtë të mëngjesit për të masazhuar muskujt e babait për gjysmë ore. Më pas i lan dhëmbët dhe fytyrën para se të shkojë në shkollë.
Pasi kthehet, ajo i jep drekën dhe e ndihmon që të lëvizë me një pajisje të modifikuar.
Kur ajo është në shkollë, për babanë kujdesen gjyshërit e saj.
“Nuk ndjehem asnjëherë e lodhur nga kujdesi për babanë,” thotë ajo.
Babai i vogëlushes ishte në një taksi kur u përplas dy vjet më parë.
Dy muaj e gjysmë pas aksidentit, e shoqja prej shtatë vitesh e braktisi, duke i marrë djalin me vete.
“Më tha se do shkonte tek shtëpia e mamasë për disa ditë. Por nuk u kthye më kurrë. Më mori edhe djalin”.
Ai shton se nuk ka pasur asnjë kontakt me të shoqen dhe nuk janë divorcuar akoma.
