Ky është kosovari i arrestuar për trafikim të armëve nga Serbia

51 vjeçari kosovar Ylber Ademi, një ditë më parë u kap nga policia teksa po trafikonte plot 19 pistoleta, 400 fishekë luftarakë dhe 1.6 tritol të tipit TNT.


Ademi u prangos në aksin Elbasan – Peqin dhe sipas policisë, armët e tritoli që ai po transportonte ishin me origjinë nga Serbia, të cilat i kalonte nëpërmjet Kosovës dhe me destinacion final Shqipërinë.

Burime bëjnë me dije se gjithë këto municione mund të ishin për persona të cilët kryejnë aktivitet kriminal në qarkun e Elbasanit.

Kosovari i kishte fshehur pistoletat, fishekët dhe tritolin në makinën e tij tip ‘Benz’ të zi, pikërisht në disa pjesë të ndryshme të krijuara enkas për fshehjen e tyre në motor, kabinë, bagazh e kroskot.

Ky është kosovari i arrestuar për trafikim të armëve nga Serbia

Por sipas informacioneve të Policisë, ky nuk ka qenë rasti i parë që Ylber Ademi ka trafikuar armë. Ai ka transportuar edhe më parë municion dhe tritol në Shqipëri dhe i siguronte jo vetëm në Serbi por edhe në vende të tjera.

Hetimet për këtë rast po ndiqen nga Prokuroria e Krimeve të Rënda, ndërsa vijon puna për identifikimin e personave të tjerë të përfshirë në këtë aktivitet kriminal.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme