Majlinda në fjalët e para në atdhe: Po më duket si ëndërr

Xhudisja Majlinda Kelmendi, që i solli Kosovës medaljen e parë të artë olimpike, që në pjesëmarrjen e parë në një garë kaq të madhe të sportit në botë, ka thënë se ende po e përjeton si një ëndërr suksesin e arritur në Rio.

“Jam shumë e lumtur që arrita ta marrë këtë medalje. Faleminderit për pritjen. Ende po më duket si ëndërr, besoj se do të më duhet ende kohë për të kuptuar se çfarë është duke ndodhur”, kanë qenë fjalët e para të Kelmendit me të shkelur në atdhe.