Më pak detyra shtëpie, më pak teste- Finlanda si model për ta përmirësuar Kosovën në PISA

“Ne besojmë se fëmijët nuk duhet të ketë më shumë se gjysmë ore detyra të shtëpisë”.

Besimi tek mësuesit, programet mësimore fleksibile dhe zëvendësimi i konkurrencës me bashkëpunimin janë disa nga përbërësit e recetës sekrete të arsimit të suksesshëm të Finlandës, thuhet sipas dy ekspertëve pedagogjik.

Ndërsa bota ka ndryshuar shumë, sistemi arsimor në shumë vende të botës nuk i është përshtatur një ritmi të ngjashëm, thotë Elina Harju. Ndërsa kolegia e saj, Johanna Järvinen-Taubert, vuri në dukje se sistemi finlandez, edhe pse nuk është i përkryer, siç duket ka bërë diçka për ta mbajtur hapin me këto ndryshime.

Järvinen-Taubert dhe Harju që karrierën e tyre e filluan si mësuese, tani punojnë për një kompani private finlandeze e cila promovon praktikat më të mira të pedagogjisë me edukatorët në mbarë botën.

Ato janë intervistuar nga The Times of Malta, pas takimit me rreth 100 mësues dhe udhëheqës të lartë nga shkollat fetare dhe shkollat ​​private me ftesë të udhëheqësve maltez të institucioneve lokale të arsimit. Malta, por edhe shumë shtete tjera evropiane po mundohen që modelin finlandez të shkollimit fillor ta aplikojnë në vendet e tyre.