Nëna me tri vajza që i braktisi babai, rrezikon të mbetet pa strehë (Video)

Është ulur e vetmuar duke i pritur vajzat që t’i kthehen nga shkolla. Po numëron hallet një pas një, që po ia thellojnë dhimbjen që ka.

Është kjo Lirija, e cila po përballet me kushte të rënda ekonomike, raporton Tribuna Channel.

Jeton në një podrum të improvizuar në fole banimi, në rrugën “Afrim Zhitia” në “Breg të Diellit” në Prishtinë.

Burri e la para shtatë vjetëve duke ia lënë mbi supe barrën e të mbajturit familje. Dhe, nga ajo kohë ai nuk u lajmërua më kurrë.

Kjo nënë pa përkujdesje rrezikon të dal në rrugë pasi që pronari i bodrumit e ka paralajmëruar se duhet ta lëshojë atë.