Një i moshuar ka vdekur në liqenin e Mitrovicës, të hënën në mesditë.
Lajmin e ka konfirmuar zëdhënësi i Policisë për rajonin e Mitrovicës, Avni Zahiti.
Ai ka thënë se policia ka dalë menjëherë në vendin e ngjarjes ku po zhvillon hetimet.
Sipas tij , viktima me inicialet S.J, është nxjerrë nga uji prej disa kalimtarëve të rastit të cilët e kanë dërguar në spital, ku më vonë është konfirmuar vdekja e tij.
Kjo është vdekja e dytë në Liqenin akumulues në Mitrovicë.