Një person arrestohet në Gjilan, dyshohet se organizonte lojëra të fatit

Policia e Kosovës ka arrestuar të enjten në Gjilan një person nën dyshimin se organizonte veprimtari të kundërligjshme të lojërave të fatit.

“Pas pranimit të këtyre informacioneve menjëherë është njoftuar Prokuroria Themelore – Gjilan ku pas marrjes së urdhrit verbal nga prokurori i shtetit, nën asistimin e Njësisë së Reagimit të Shpejtë (NjRSh) – Gjilan është bastisur një lokacion (lokal) në të cilin janë hasur disa persona (lojtarë) duke luajtur në lokal, ku në mesin e këtyre personave është hasur edhe i dyshuari pronari i lokalit”, thuhet në njoftimin e Policisë.

Në lokacionin e bastisur janë gjetur dhe janë konfiskuar :

21 shtëpiza kompjuterike,

26 monitor,

5 monitor-tabela të bingos,

1 sferë e topave bingo.

Janë konfiskuar edhe mjete financiare në vlerë të përgjithshme prej 144 euro.

Pas bastisjes, për intervistim janë shoqëruar 4 persona të cilët deklaruar se në këtë lokal kanë luajtur lojëra të fatit, për intervistim po ashtu është shoqëruar edhe i dyshuari/pronari i lokalit ku pas intervistimit me aktvendim mbi ndalimin e personit të arrestuar, të dyshuarit i është caktuar masa e ndalimit për 48 orë.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme