PDK:Gjuha e rrugaqërisë e Lutfi Hazirit tregon nivelin ku ka rënë ai

Dega e Partisë Demokratike në Gjilan, gjuhën e të parit të kësaj komune, Lutfi Haziri e kanë quajtur rrugaqëri.

Përmes një komunikate të lëshuar për media, kjo parti ka thënë se Haziri ka keqpërdorë detyren zyrtare duke punësuar njerëz të favorizuar.

Kjo është komunikata e plotë :

PARTIA DEMOKRATIKE E KOSOVES
DEGA NE GJILAN

Faktet e PDK-së nxjerrin gjuhën e rrugaqërisë të Lutfi Hazirit

Gjuha e rrugaqërisë e përdorur në reagimin e fundit të LDK-së, tregon qartë nivelin ku ka rënë partia në pushtet dhe vet kryetari I saj z. Lutfi Haziri. Ne e kuptojmë panikun që e ka kapluar këtë pushtet dhe frikën nga krimi në të cilin janë zhytur, por ama, kjo nuk e justifikon ktë sharlatanizëm politik të pushtetit, edhe në komunikim publik.

Për dallim nga gjuha e paskrupullt e pushtetmbajtësve, PDK Dega në Gjilan, mbështetet ne fakte të pakontestueshme gjë që e bënë komunikimin tonë më publikun, të një niveli të kulturuar dhe me kredibilitet të lartë,

Se ne kemi të drejtë në atë që e kemi deklaruar, e pohon edhe vetë përfaqësuesi i “MoserGroup”, z.Senad Ramaj, në deklaratën e tijë publike, ku pranon se kanë bërë punësime dhe favorizime për njerëzit kyq te pushtetit tuaj, e që kjo ju ngarkon direkt me keqmenaxhim bashkë me partnerin privat që i keni bërë Kompanisë Eco-Higjiena, qe 3 vite.

Por, për hirë të opinionit publik ne ua sjellim edhe faktet për involvimet e zyrtarëve të saj në punsime dhe interesa biznesore (siç e potencuam në komunikatën paraprake), të znj. Velentina Bunjkau, kryesuese e KK Gjilan, z. Avdyl Aliu, shef I GK të LDK në KK, që e kemi denoncuar për shkatërrimin e Mullirit elektrik në qendër të qytetit, si njërin nga asetet kryesore të qyteti. Z. Aliu, në kontratën për qiranë me Eco-Higjienën, është treguar më i kujdesshëm dhe ka bërë kontratën në emët të vllaut tijë; pastaj, Alban Qerimi, nomenklaturë e LDK-së, menagjer I ATK-së, punsimin e dhëndrrit të tijë për favore në ATK, e deri tek Ismajl Jonuzi me punesimin e mbesës së tijë, për favore në Gjykatë.

Por, edhe më skandaloze nga ana e qeverisë komunale, është paralajmërimi për shkëputje të kontratës për 17 puntorë të EcoHigjienës. Përgatitjen e listës nga strukturat e z. Lutfi Haziri, duke i njoftuar, së bashku me partnerin privat, 17 puntorë për ndërprerje të Kontratave të punës, nga 1 Janari 2017. Sigurisht se edhe këtë spastrim e bëjnë për punësime militantësh dhe familjarësh të tyre. Këtë pohim e bënë edhe më të arësyeshëm, tentimi për të dërguar një zyrtari të lartë të LDK-së, z. Jasmin Abdyli në postin e Kryeshefit të kësaj kompanie, edhepse i njejti ishte suspenduar nga bordi i drejtorëve kohë më parë.

Ky pazar politik po bëhet në dëm të këtyre 17 punëtorëve.
Padyshim, presim që prokuroria të mirret dhe të shikohen veprimet e këtyre zyrtarëve në keq-qeverisjen dhe keqpërdorimin e pushtetit.

P.S.
Kësaj komunikate ia bashkëngjesim edhe disa faktografi të interesave të zyrtarëvë komunal që kanë me Eco-Higjienën.

Komisioni për Zhvillim Ekonomik

0-36