Përleshje me armë në Prizren

Një punëtore e një dyqani është plagosur nga arma e zjarrit e përdorur gjatë një zënke mes dy personave të panjohur. Edhe një punëtor tjetër është plagosur, por atij nuk i kujtohet se nga se i janë shkaktuar plagët.

Policia e Kosovës ka njoftuar për persona të plagosur nga armët e zjarrit, të cilat janë përdorur sot gjatë një zënke në qytetin e Prizrenit.
“Rreth orës 11:30, në rrugën “Adem Jashari” në Prizren, pranë dyqanit “Sehsar” ka ndodhur një përleshje, fillimisht në rrugë e më pas është zhvendosur në brendi të lokalit”, tha zëdhënësi i Policisë Rajonale të Prizrenit, Hazir Berisha.

Zëdhënësi po ashtu njoftoi se gjatë kacafytjes njëri nga të dyshuarit ka përdorur armë zjarri, me ç‘rast predha e plumbit e ka plagosur lehtë një punëtore e cila punonte në dyqan.

Plagë të lehta ka marrë edhe një punëtor tjetër të cilit nuk i kujtohet se me se është plagosur.

Dy të plagosurit kanë kërkuar ndihmë mjekësore.

Policia ka nisur me hetimin e rastit dhe kërkimin e të dyshuarve, të cilët për momentin janë të panjohur.

Lini Një Koment

Lini Një Koment

Shiko t'gjithë komentet

Email Adresa juaj nuk do të publikohet. Gjithëashtu te dhenat tjera nuk do të shpërndahen me persona të tret. Fushat e obliguara janë të Shenjosura *