Saharaja mbulohet nga bora pas 37 vitesh

Hera e fundit që ka rënë borë në shkretëtirën e Saharës, më e madhja në botë, ishte 37 vjet më parë.

Por dje pas 37 vitesh rëra e kuqe u mbulua nga flokët e bardha të botës, në afërsi të qytetit algjerian Ain Sefra.
Pamje të bukura nga ky fenomen i rrallë në Saharë i ka sjell fotografi amator Karim Bouchetata.
Në Ain Sefra, që njihet ndryshe si “porta e shkretëtirës”, kishte rënë më 18 shkurt 1979.

Në atë kohë bora kishte qëndruar vetëm një orë e gjysmë, por dje ishte më jetëgjatë duke qëndruar tërë ditën në vendin që është mbi 1 mijë nga niveli i detit dhe është i rrethuar nga malet Atlas.

“Të gjithë ishin të habitur me borën që ra në shkretëtirë, kjo është një dukuri shumë e rrallë. Dukej e mrekullueshme pas rënies së borës dhe bëra foto fantastike. Bora qëndroi rreth një ditë dhe tani është shkrirë”, ka thënë Bouchetata.