Mëngjesin e kësaj të diele, rreth orës 9:35, në një hotel të Sarandës është gjetur trupi i pajetë i një shtetaseje të huaj.
Shërbimet e policisë shkuan menjëherë në vendngjarje pas marrjes së njoftimit dhe e kanë identifikuar viktimën me inicialet B.F., 57 vjeç, nga Norvegjia.
Nga sa bëhet e ditur nga policia, paraprakisht dyshohet për një vdekje për shkaqe natyrale, pasi në trupin e viktimës nuk ka shenja dhune, apo dëmtime të tjera.
Shtetësja norvegjeze ka qenë duke pushuar në Sarandë së bashku me familjen e saj.
Ndërkaq, policia po kryen të gjitha veprimet proceduriale për të hedhur dritë mbi këtë ngjarje.
