Një bandë që merrej me trafikun e drogës, kryesisht të kokainës në Gallipoli është shkatërruar nga policia italiane në orët e para të mëngjesit të sotëm.
Mediat italiane kanë bërë të ditur se se policia e Leçes ka ekzekutuar urdhër-arrestet për 11 persona, duke vënë në pranga 6 shqiptarë dhe 5 shtetas italianë, transmeton GSH.
Sipas hetimeve ata akuzohen për krijimin e një organizate të trafikimit të drogave të forta dhe mbulonin kryesisht zonën e Gallipolit.
Policia nuk ka bërë ende të ditur emrat e të arrestuarve, por thekson se mes tyre në pranga është vënë edhe një anëtar i mafias Sacra Corona Unita.
