Si ndodhi dhe kush ishte objektivi i sulmit terrorist, që për pak vrau Dacicin në Afrikë

Të paktën nëntë vetë kanë vdekur sot, përfshirë ish ministrin e Jashtëm somalez, kur ekstremistët islamikë aktivizuan një bombë makinash pranë pallatit presidencial në Mogadishu, tha policia. Mes të vrarëve, ish ministri i jashtëm Hussein Elaba Fahia, i cili ishte gjithashtu këshilltar i presidentit aktual të Somalise

Ndërkohë ministri i jashtëm serb, Ivica Dacic ishte në një takim me presidentin somalez në pallatin presidencial në Mogadishu dje, kur makina plot eksploziv shpërtheu përpara rezidencës! Të paktën gjashtë vetë u vranë gjatë sulmit, ndërsa 13 u plagosën.

Siç i tha ministri Dacic Tanjugut, u dëgjua një shpërthim i fuqishëm dhe në ndërkohë u tha se ishte një sulm në të cilin kishte shumë të vdekur dhe të plagosur.

Sipas Blic, Dacic shkoi me delegacionin në një pjesë të qytetit ku ndodhi sulm terrorist, për fat të mirë 10-15 minuta më parë.

Dacic shtoi se, objektivi i sulmit ishte ish ministri i jashtëm somalez.

Kreu i diplomacisë serbe shtoi se nuk kishte evakuim të punonjësve dhe të ftuarve në pallatin presidencial.

Kujtojmë se Dacic, prej dy vjetësh është vënë në krye të fushatës së Serbisë për t’ia zbehur njohjen ndërkombëtare Kosovës. Një gjë të tillë sigurisht e ka bërë edhe gjatë kësaj vizite.

Gjithashtu muajj më parë, Daçiq kishte prezantuar në kuvendin e Serbisë punën e tij në pengimin e Kosovës dhe në lobimin anti-pavarësi.

Madje, kjo fushatë e Serbisë është e hapur dhe nuk po hasë në pengesë e as në qortime as nga ana e Bashkimit Evropian.

Lini Një Koment