Taksa radiodifuzive, mbi 85 mijë qytetarë të Maqedonisë rrezikojnë t’u bllokohen xhirollogaritë

85790 qytetarë janë nën kërcënimin e bllokimit, pasi që gjenden në listën e Drejtorisë së të ardhurave publike për taksën radiodifuzive, transmeton Telegrafi Maqedoni.

DAP-i bën të ditur se këta qytetarë kanë afat deri më 13 shtator që t’i marrin vendimet për pagesë të detyrueshme të taksës radiodifuzive në zyrat e DAP-it në vendbanimin përkatës. Ata që e kanë kryer pagesën, me fletëpagesë mund të hiqen nga kjo listë

Në lidhje me bllokimet e xhirollogarive dhe detyrimet e pagesës së kësaj takse, në vitin e kaluar reagoi Avokati i Popullit, në bazë të ankesave të qytetarëve, sipas të cilëve janë detyruar të paguajnë taksën persona që mbi 2 dekada jetojnë jasht vendit, kurse në disa raste ankesat kanë qenë për pagesë të dyfishtë në një familje.