Tanja Fajon: Jemi të zhgënjyer me dialogun mes Kosovës e Serbisë

Dialogu mes Prishtinës dhe Beogradit duhet të rifillojë sa më shpejt. Kjo është porosia që dërgoi eurodeputetja Tanja Fajon sot në Beograd, transmeton Gazeta Metro.

Në Komisionin Parlamentar për Stabilizim dhe Asociiim BE – Serbi që u mbajt në Beograd, ajo tha se është shumë e zhgënjyer që nuk ka përparim në procesin e dialogut me Kosovën.

“Jemi shumë të zhgënjyer që nuk ka përparim dhe se i gjithë procesi është në bllokadë. Prioriteti ynë është rifillimi i dialogut dhe që të dyja të gjejnë një mundësi të re për një marrëveshje që është në përputhje me ligjin ndërkombëtar dhe normalizon marrëdhëniet”, tha Fajon.

Në fund të shtatorit, Fajon është zgjedhur në krye të Delegacionit të Komitetit Parlamentar të Stabilizim-Asociimit BE – Serbi.

Ajo nuk kishte ndaluar me kaq, Fajon ishte shprehur e zhgënjyer edhe me lirinë e mediave në Serbi. Dje kishte deklaruar se përparimi drejt lirisë së mediave në Serbi, ishte i pamjaftueshëm.

Kjo është njëra prej kritikave kryesore të drejtuara Serbisë nga Bashkimi Europian. Kjo ishte cekur edhe në raportin e progresit të BE’së për Serbinë për vitin 2018 i cili u dorëzua në muajin maj.

Lini Një Koment