Burri që akuzohet për vrasjen e 50 njerëzve në dy xhami të Zelandës së Re ka bërë një ankesë formale për trajtimin që po i bëhet në burg.
28 vjeçari Brenton Tarrant, po mbahet në izolim në burgun e Sigurisë së Lartë në Auckland, përcjell Periskopi, pas sulmit terrorist që bëri dy javë më parë.
Departamenti i Korrigjimeve në këtë vend ka konfirmuar për media se Tarranti nuk ka televizion, radio apo gazeta dhe askush nuk është lejuar që ta vizitojë.
Ankesa e tij ka të bëj me mungesën e aksesit në telefon dhe të vizitorëve.
Tarranti mësohet që e ka kopshtin e tij – i cili është i së njëjtës madhësi si qelia e tij – dhe i lejohet ta përdorë atë për një orë në ditë, sipas burimeve.
