Shkodra është tronditur nga një shpërthim me tritol. Ngjarja ka ndodhur në orët e para të mëngjesit, në banesën e ish-basketbollistit të Vllaznisë, Nikolin Arra. Në banesë nuk kishte persona, pasi Nikolin Arra dhe familjarët e tij ndodhen jashtë Shqipërisë. Si pasojë nga shpërthimi raportohet vetëm për dëme materiale.
Sipas verifikimeve të Policisë, lënda plasëse është vendosur në dy pozicione të ndryshme në portën hyrëse të banesës në lagjen “Qaf Hardhi” në Shkodër
Nikolin Arra ka qenë për shumë vite pjesë e ekipit të basketbollit të Vllazënisë. Por në vitin 2016 ishte një nga 9 personat e arrestuar nga policia pasi mbante detyrën e inspektorit në drejtorin rajonale të tatim taksave. Pas përballjes me drejtësinë Arra fitoi gjyqin dhe doli i pafajshëm.
