Vajza e ushtarit të UÇK-së boton librin e dytë, ia dedikon babait të arrestuar në Kumanovë

Melisa Zekaj, vajza e ish ushtarit të UÇK-së Valdet Zekaj, ka publikuar librin e saj të dytë të titulluar shkurt “2am”. Melisa sapo ka përfunduar shkollën e mesme, kurse studimet ka vendosurr t’i vazhdojë në Fakultetin Filozofik në Prishtinë, edhe pse ishte pranuar edhe në një fakultet të psikologjisë në Holandë.

Libri i saj është shqip dhe anglisht dhe në fokus ka tema rinore.

Këtë libër Melisa e fillon me dedikimin e prekshëm për babain e saj që gjendet në burgjet maqedonase.

“Për babain tim që e kam kaq afër zemrës dhe larg sysh”, shkruan Melisa Zekaj.

Libri është publikuar në formë elektronike në rrjetin “wattpad”.