Aleksandar Vuçiq do të zhvillojë sot “video takim” me kancelaren gjermane, Angela Merkel.
Presidenti i Serbisë, Aleksandar Vuçiq do të zhvillojë sot “video takim” me kancelaren gjermane, Angela Merkel, ka bërë të ditur kabineti i presidentit serb, transmeton lajmi.net.
Vuçiq ka paralajmëruar se temat kryesore të diskutimit do të jenë vazhdimi i dialogut me Kosovën dhe sidomos gjendja e krijuar pas shpërthimit të epidemisë së koronavirusit.
Më herët ishte caktuar që Vuçiq ta vizitonte Berlinin të hënën por vizita është anuluar për shkak të koronavirusit.
