Zjarr në burgun e Idrizovës

Gjatë paradites së sotme ka shpërthyer një zjarr në repartin e pranimit të Burgut të Idrizovës.

Raportohet se shkak i zjarrit mund të ketë qenë instalimi i vjetër elektrik. Intervenimi i zjarrfikësve ka qenë i menjëhershëm, kështu që zjarri është vënë nën kontroll dhe shuar plotësisht.

Nuk ka viktima në njerëz, por është shkaktuar vetëm dëm material.

Nga drejtoria e burgut kanë informuar se zjarrin nuk e kanë shkaktuar të burgosurit dhe se objekti i djegur nuk do të riparohet, për shkak se edhe më herët ishte paraparë që ai të rrënohet për shkak të vjetrimit.

 

Lini Një Koment