Zv.kryeministri turk konfirmon sulmin, thotë se shënjestër ishte autobusi me ushtarë

Zëvendëskryeministri turk Veysi Kaynak ka folur pas sulmit në qendër të qytetit Kayseri.

Ai ka thënë se një automjet bombë ka sulmuar një autobus i cili ishte me ushtarë në qendër të qytetit ku ka lënduar shumë njerëz, duke mos saktësuar numrin e të vdekurve, transmeton Koha.net.

Kaynak ka thënë se shënjestër e sulmit ishte autobusi dhe se ky sulm ngjan shumë me ato të javës së kaluar.

Burime të Reuters brenda Spitalit të Kayserit kanë thënë se numri i të lënduarve shkon më shumë se 25, kurse disa kanë vdekur, duke mos saktësuar përsëri numër.