Dy të dyshuar i morën njërit para për t’ia hequr dënimin nga një gjykatë, por përfundojnë vetë në burg.
Sipas raportit të sotshëm të Policisë së Kosovës dje, në Prishtinë janë arrestuar dy të dyshuar, meshkuj K/shqiptarë, pasi ata në bashkëpunim ia kanë marrë viktimës një shume të konsiderueshme parash, me qëllim të heqjes së një dënimi të shqiptuar nga një gjykatë.
Me vendim të prokurorit të dyshuarit janë dërguar në mbajtje, saktëson raporti.
Siç kanë raportuar disa medie, njëri nga të arrestuarit është Zahir Bajrami, zyrtar në Drejtorinë e Financave në Qeverinë e Kosovës.
