Kryeministrja e Rumanisë hedh poshtë zërat për dorëheqje

Kryeministrja rumune, Viorica Dancila hodhi poshtë sot zërat se ajo po përgatitej për t’u dorëhequr, transmeton ATSH raportimin e agjencisë rumune të lajmeve, AGERPRES.

E pyetur nga gazetarët nëse ajo po përgatitej për dorëheqje nga detyra, pasi ky informacion ka sunduar median në orët e fundit, Viorica Dancila tha: “Jo, aspak”.

“Madje jam kureshtare të di se si ka dalë kjo zhurmë. Sepse nga unë, dukshëm, nuk ka dalë”, shtoi Dancila, kur u pyet nëse kishte biseduar me ndonjë në lidhje me dorëheqjen dhe se si kishte filluar kjo zhurmë.

Kryeministrja ndodhej në takimin e Komitetit Kombëtar Ekzekutiv të Partisë Socialdemokrate (PSD) bashkë me kryetarin e partisë, Liviu Dragnea, zëvendëskryetaren, Gabriela Firea dhe anëtarë të tjerë të kryesisë.

Gjatë hyrjes në godinën ku po zhvillohej ky takim, Dragnea konfirmoi se Dancila do të qëndronte kryeministre.

Lini Një Koment