Kryetari i Iniciativës Qytetare, SDP, Oliver Ivanoviq është vrarë sot para selisë së partisë që drejtonte në Mitrovicën Veriore.
Ivanoviq para disa ditës në disa intervista për mediat serbe kishte thënë se ka frikë pasi siguria në pjesën veriore të Mitrovicës së Kosovës është shumë e keqe.
Ai në intervistën e tij të fundit për median serbe “Vreme”, deklaroi se situata në Kosovë është përkeqësuar që nga arrestimi i tij dhe se ekziston një ndjenjë e pabesueshme e rrezikut dhe frikës në mesin e njerëzve. Ivanoviq thoshte se serbët nuk kanë frikë nga shqiptarët por nga vetë serbët.
“Nga qindra njerëzve me të cilët kam biseduar gjatë javëve të para kur janë liruar, askush nuk e shtron pyetjen e sigurisë. Në pjesën veriore njerëzit nuk kanë frikë nga shqiptarët por nga vet serbët, në çdo cep të rrugës shitet drogë, persona të panjohur shëtitën me xhipa pa targa, ka kriminel nëpër lokale, kapadainj… çdo prind ka frikë për fëmijët e vet”, ishin fjalët e Ivanoviqit, transmeton lajmi.net.
Tutje ai kishte thënë se kjo shkallë e pasigurisë ishte edhe më parë, por jo sa ishte bërë kohën e fundit.
“Policia po i sheh të gjitha dhe nuk reagojnë, ndërsa qytetarët ndihen të pambrojtur, edhe pse policia e Kosovës në veri është e të gjitha e populli tonë, serbë.
Disa prej tyre janë me përvojë policë të cilët kishin punuar për MUP-in e Serbisë, por ata nuk punojnë asgjë”, ka thënë më tutje ai.Mes tjerash ai ka përmendur që në vitet e fundit në veri të Mitrovicës ka pasur mbi pesëdhjetë raste të djegies së makinave, hedhjes së granatave dhe dy vrasje të pazgjidhura.
“E gjithë kjo ndodh në një territor dy e gjysmë kilometra katrorë, e cila është e mbuluar plotësisht nga kamerat e sigurisë. Është e qartë se policia ishin të frikësuar për këtë unë nuk i fajësojnë autorët, apo autorët të lidhur me strukturat e sigurisë. Disa thonë se policia është thjesht të paaftë, por kjo është vështirë për t’u besuar. Dua të them, ata janë të paaftë, por jo aq shumë”, kishte deklaruar Ivanoviq.
