Një person është duke u trajtuar në Qendrën Klinike Universitare, për shkak se është sulmuar nga tre të dyshuar
Rasti ka ndodhur në orët e para të mëngjesit të 17 shkurtit në Prishtinë, bën të ditur policia.
Viktima është duke u trajtuar në QKUK pasi dyshohet se është sulmuar nga tre persona të dyshuar të cilët pas sulmit janë larguar nga vendi i ngjarjes.
Policia ka bërë të ditur se në vendin e ngjarjes është gjetur dhe sekuestruar një gëzhojë e pistoletës.
Deri më tani nuk ka persona të arrestuar.
