Një polic turk është shndërruar në heroin e ditës pasi që ka shpëtuar në momentet e fundit një grua të re e cila ishte në prag të vendimit më të tmerrshëm në jetën e saj. Ngjarja ka ndodhur në Antalia të Turqisë. Kanë qenë kalimtarët e rastësishëm ata që kanë vëzhguar veprimet e çuditshme të vajzës së re dhe kanë njoftuar policinë. Dhe kjo ka rezultuar edhe si vendimtare për shpëtimin e jetës së saj. Pasi që janë përpjekur ta bindin që të heq dorë nga akti i rëndë ndërsa vajza e re nuk është bindur, papritmas, duke përfituar nga momenti kur vajza kishte ngulur shikimin në det, një polic i është afruar fshehurazi dhe e ka parandaluar më të keqen./Sakte.net
