Për iPhone 7/7 Plus do t’ju duhet nje xham i ri mbrojtës

Apple ka ruajtur dizajnin ashtu si 2 iPhonet e saj të fundit

Me lançimin e iPhone 7 dhe 7 Plus, duket se Apple ka ruajtur përgjithësisht  po të njëjtin dizajn ashtu si dhe 2 iPhonet e saj të fundit. Kjo do të thotë se këllëfi juaj i vjetër i iPhone 6/6s mund t’i rrijë mjaft mirë edhe iPhone 7, megjithëse se ky i fundit ka veçorinë e kamerës së dyfishtë.

Po përsa i përket xhamit mbrojtës? Xhamin tuaj të mëparshëm nuk do të mund ta përdorni edhe për iPhonin e ri, pasi ai mund të mbulojë vetëm një pjesë të ekranit. Ekrani i iPhone 7 ka ka përmasa 11.9 cm ndërsa ai i iPhone 7 Plus 13.9 cm, pak më të mëdha se ato që kishte iPhone 6 dhe 6 Plus. Apple ka reduktuar kornizën përreth ekranit megjithëse korniza e jashtme ka qëndruar po njëlloj.

Disa pajisje celular përdorin xhama mbrojtës që mbulojnë vetëm pjesën e ekranit më të cilën ndërvepron përdoruesi, por nëse doni të keni një mbrojtës të plotë për ekranin e telefonit tuaj të ri, do t’ju duhet të prisni derisa të lançohet një xham i përshtatshëm.