Një person në Lipjan, përkatësisht në Baicë, është arrestuar pasi që kishte postuar një foto në rrjetin social Facebook, duke shtënë me armë zjarri të tipit AK-47, apo siç njihen ndryshe kallashnikovë.
Siç njofton Policia e Kosovës në raportin e saj, i dyshuari është intervistuar dhe ka treguar se armën e ka shitur, por nuk ka njohuri për identitetin dhe adresën e personit që e ka blerë, përcjell gazetametro.net.
‘Pas një informate se një i dyshuar mashkull K/Shqiptar, kishte postuar një foto në rrjetin social Facebook duke shtënë me armë zjarri të tipit AK-47, i dyshuari është intervistuar dhe i njëjti ka pohuar se armën e lartcekur e ka shitur dhe nuk ka njohuri për identitetin dhe adresën e personit që e ka blerë’, thuhet në raportin e Policisë.
Policia me urdhër të prokurorit e ka kontrolluar shtëpinë e të dyshuarit dhe nuk ka gjetur armën e cekur, por ka konfiskuar një pushkë M-48 dhe 23 fishekë.
I dyshuari me vendim të prokurorit është liruar në procedurë të rregullt.
