Vuçiq e quan të vështirë kapitullin 35 për Kosovën, paralajmëron takim me Ramën Vuçiq e quan të vështirë kapitullin 35 për Kosovën, paralajmëron takim me Ramën

Një ditë pasi shefi i diplomacisë kosovare, Enver Hoxhaj tha se brenda dy viteve Kosova parashikon përfundimin e demarkacionit me Serbinë, kryeministri serb Aleksandar Vuçiq deklaroi se kjo u bë vetëm për konsum të brendshëm politik në Prishtinë.

Nga Brukseli, ku të martën Serbia hapi dy kapituj të tjerë rreth bisedimeve për t’u bërë anëtarë e BE-së, siç transmeton TCH, Vuçiq pranoi se një kapitull tjetër me numrin 35, që flet për Kosovën, do të jetë çështje e vështirë.
Por, nënshkruesi i ujdisë me Isa Mustafën nga gushti i vitit të kaluar, thotë se marrëveshja e tij me kryeministrin kosovar nuk ka dështuar.

Shefi i Qeverisë në Beograd, nga kryeqendra evropiane dhe në të gjitha takimet ka dhënë deklarata paqësore, duke refuzuar – siç tha, – të flasë fjalë të rënda për politikanët në Prishtinë, ndërsa paralajmëroi se së shpejti do t’i takojë për të biseduar rreth Asociacionit të Komunave me shumicë serbe, përpilimi i statutit të të cilit ka ngecur.

Nga kjo paraqitje me krerët e Bashkimit Evropian, Vuçiq paralajmëroi një takim të madh ekonomik në qytetin e Nishit, që do ta organizojë me kryeministrin e Shqipërisë, Edi Rama.

Lini Një Koment

Lini Një Koment

Shiko t'gjithë komentet

Email Adresa juaj nuk do të publikohet. Gjithëashtu te dhenat tjera nuk do të shpërndahen me persona të tret. Fushat e obliguara janë të Shenjosura *